الارشيف / اخبار مصرية

إعلامية تطلب معلمة “إنبوكس” تساعد في مذاكرة نجلها بعد فشلها في المهمة المستحيلة (صورة)

  • 1/2
  • 2/2

طلبت الإعلامية دعاء فاروق، من متابعيها عبر صفحته الرسمية على موقع التواصل الاجتماعي “فيس بوك”، البحث عن معلمة لمساعدة نجلها الصغير في حفظ دورسه، موضحة المواصفات التي تطلبها في المعلمة.

وقالت “فاروق” عبر الصفحة: “طيب أنا مضطرة أطلب المساعدة، النجدة الغوث، عاوزة واحدة شاطرة تذاكر لابني في تانية إعدادي، كل المواد، الشتيمة حرام على فكرة، مش عارفة أتحكم في علي الزيبق اللي عندي في البيت نهائي”.

وتابعت “فاروق”: “إحساس الخطر بيطاردني، محتاجة بنوتة شاطرة خريجة جامعة، وبتعرف إنجليزي كويس تكون فاضية ومحتاجة شغل، لهلوبة في الحفظ تعرف تذاكر له عربي ودراسات وتتابع معاه واجبات الإنجليزى والسوشيال والساينس”.

وأشارت “فاروق”: “نحدد أربع أيام في الأسبوع وممكن يبقوا خمسة في الطوارئ، تكون طبعا من سكان القاهرة أو الجيزة، بمرتب شهري ومكافأة بإذن الله في نهاية السنة لما ينجح مش محتاجة درجات محصلتش محتاجاه ينجح مش عاوزة ملاحق تطاردني في الصيف محتاجة واحدة منظمة تنظم له مذاكرته وتتابع واجباته لأن الواجبات في نظام الأمريكان عليها درجات”.

وأردفت “فاروق”: “هو ذكي وبيفهم بس لعبي ومش في دماغة موضوع المذاكرة ده فأنا عاوزة أزنقه مش عارفة، حد ييجي يزنقهولي ينوبكو ثواب، أتمنى اللي يعرفني ويعرف ابني ميقولوش عالفضيحة اللي أنا عاملاها دي بعد أذنكم رجاء خاص”.

وأكملت “فاروق”: “اللي مهتمة وجادة وشايفة نفسها كفء للمهمة المستحيلة دي تبعت لي تعليق وأنا هبعت لها إنبوكس، الشركات والسنترات اللي بتوفر مدرسين يمتنعون لأني جربتهم ونظامهم منفعش معايا الوسطاء يمتنعون”.تدوينة الإعلامية

المصدر
القاهرة

قد تقرأ أيضا